شهریارسایتینین خبری‌نه گوره، تبریزین بلدیه رئیسی یعقوب هوشیار اهالی له گوروشونده، شهرسالما، عمران، خدمتلر و... کیمی موختلیف ساحه‌لره عایید اولان مراجعه ائدن همشهریلرین پرونده‌لرینی اینجه لییب، شهروندلرین مشکل‌لرینین سورعتله حل‌اولونماسی اوچون لازیملی دستورلاری وئردی.
بو گوروشده، تبریز بلدیه‌سی‌نین اون منطقه‌سینده‌کی موختلیف محله‌لرده یاشایان همشهری لر، بلدیه رئیسی ایله دانیشیب، شهری مشکل‌لرینی و مسله‌لرینی طرح ائتدیلر.
تبریزین بلدیه‌رئیسی بو دوور شهری مدیریتده، اهالی ایله گوروشلرینی خیدمت میزلری شکلینده، امام خمینی (ره) مصلی سیندا، شهرین موختلیف مسجیدلرینده، اون منطقه‌نین بلدیه‌لرینده و بلدیه‌نین مرکزیدا کئچیره رک، خالقین مشکل‌لرینین حل‌ی اوچون بوتون گوجونو صرف ائتمیشدیر.
شهروندلرله اوز-اوزه گوروش، شهری مشکل‌لرینین حل‌ی ایله برابر، شهری موضوعلارین دقیق‌شکیلده تشخیص‌ی و مسله‌لرین حل‌ی اوچون برنامه‌لشدیرمه‌یه مناسب بیر زمینه یارادیر. بو اساسدا، بلدیه‌رئیسی آلتی دوور خیدمت جلسه‌سینده شهروندلرله گوروشوب، اونلارین مشکل‌لرینه یاناشمیشدیر.
تبریز بلدیه‌سی‌نین منطقه‌لرینده یا تشکیلات‌لاریندا مشکل‌لرینی حل ائده‌بیلمه‌ین شهروندلر، بلدیه‌نین ارتباطات و بین‌الملل ایشلر ایداره‌سی‌نه مراجعه ائدیب، تبریزین بلدیه‌رئیسی ایله گوروش اوچون قئیداولا بیلرلر.
نظرات