تبریز بلدیه رئیسی، بلدیه‌نین مختلف تشکیلاتلارینین مدیرلری ایله جلسه ده، نوروز بایرامی حاضیرلیق‌لارینین سرعتلندیریلمه‌سینی ایسته‌دی.
یعقوب هوشیار دئدی: بایرام آیینده طبیعی اولاراق ائولردن و شهردن توپلانیلان زیبیلین حجمی آرتیر. بونون اوچون همشهری لردن بایرام ایشلرینی ایلین سون گونلرینه ساخلاماماقلارینی ایسته‌مه‌لییک.
بلدیه رئیسی دئدی: یاز فصلینی و مبارک اوروجلوق آیینی قارشیلاماق اهمیتلی موصوع‌دور.
تبریز بلدیه رئیسی سوزلرینین دوامیندا دئدی: بونون اوچون عمومی ساحه و پارک‌لاردا گول چیچک اکیمی، بویاما ایشلری، آسفالت لکه‌لرینین تعمیری، مدنی ایشلر و برنانه لر، شهرین داها آرتیق تمیزلنمه‌سی، بایرام المانلارینین قورولوشو داها کیفیتلی گورولمه‌لیدیر.
نظرات